مداوي الاحزان
اهلا وسهلا بزوارنا الكرام ونتمنى لكم قضاء امتع الاوقات معنا اذا كنت تود الاطلاع على المواضيع تفضل وان كنت ترغب بالتسجيل سجل معنا

منتدى شامل لكل المواضيع الهادفة والمفيده والعلاجات الروحانيه والاعشاب
 
الرئيسيةالرئيسية  البوابةالبوابة  اليوميةاليومية  مكتبة الصورمكتبة الصور  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخولدخول  
اعـــــــــــلان هـــــــــــــــم السلام عليكم ورحمة الله وبركاته اخواني واخواتي الزوار الكرام في منتداي ومنتداكم اتمنى منكم مساهمتكم باكثر اقسام المنتدى الي جعلتها مفتوحه لكم لننقاقش ونطلع على مساهمات الجميع مع تمنياتي لكم بالتوفيق
السلام عليكم ورحمة الله وبركاته احبتي زوار المنتدى الكرام المنتدى بحاجه لدعمكم ولذا اطلب من يرعب بان يكون احد الاداريين من المراقبين والمشرفين التسجيل بالمنتدى وسيكون درجته حسب كفائته مع تحياتي للجميع

شاطر | 
 

 رَحَلتْ .. وعِقبكْ الدنيا غلاها طاح مِنْ عينـي

اذهب الى الأسفل 
كاتب الموضوعرسالة
عاشق الاحلام

avatar

عدد المساهمات : 14
السٌّمعَة : 0
تاريخ التسجيل : 22/12/2010

مُساهمةموضوع: رَحَلتْ .. وعِقبكْ الدنيا غلاها طاح مِنْ عينـي   الخميس ديسمبر 23, 2010 8:36 pm

رَحَلتْ .. وعِقبكْ الدنيا غلاها طاح مِنْ عينـي


صَدِّق وإلا ما تِصَدِّق .. أنا عَاجِزْ عَنْ التفكير
تعَالْ وشُوفْ في عينِكْ غِيابكْ وشْ عَمَلْ فيني

حبيبي ما بُقى عِندي صَبرْ .. يتْحَمَّلْ التأخيـر
رَحَلتْ .. وعِقبكْ الدنيا غلاها طاح مِنْ عينـي

أجَاوبْ اللِّي يسْألني عَنْ أخْبَاري وأقولْ بخيـر
وأنا لا خِير بغيابكْ .. ولا حَاجَـه .. تهنينـي

على طاريكْ كِلْ لحظه .. ولا أحتـاج للتذكيـر
حَريصْ القلب ما ينسَى عيونِكْ , لا توصينـي

مَحَدْ يِقْدَر يعَوِّضْنِي لأنِّكْ .. في عيُوني غيـر
ومَهْمَا شِفتْ أنا الفرحَه .. بدونِكْ ما تسلينـي..

وكيف الحَالْ وشلوني .. جَوابٍ ما يَبي تفسير
بدونِكْ إنتْ , ما تِضْحَكْ حَياتي وترْمِشْ سنيني

مِثلْ شَاعِرْ عِجَزْ يوصَفْ شعُوره وخانه التعبير
أنا ضايع .. ولا أدري مِنْ فراقِكْ .. أنا ويني

مِثلْ طيرٍ كِسَرْ بُعْدِكْ جَناحَه وما قِـدَرتْ آطيـر
أحَاولْ أبْتِسِمْ وأنْسَى ولكنْ وشْ ينسينـي..؟!

أشُوفِكْ في صباحي إنتْ مَعْنَى يا صباح الخيـر
وأشُوفِكْ في مَسَائي حِلْم وردي .. لا تصحيني

تِصَدِّق .. السَهَر يَرْسِمْ عيُوني ويتْقِنْ التصوير
ويشِقْ النُور في صفحة حياتي .. وما ألاقيني

أنامْ شلونْ ومشكلتي عِجزتْ ألقى لَهَـا تدبيـر
طِلَبتْ النُومْ .. لحظاته وعيَّى النُـوم يعطينـي

تغيَّر وجْهَي .. مِنْ أوَّل غيابكْ وإبْتِدَى التأثير
حبيبي .. مِنْ التَّعَبْ كافي خذيتْ اللِّي يكفينـي

يا أغلى مِنْ رَحَل عنِّي يا كِلْ الحُبْ والتقديـر
تعَالْ: إنْ كان لِي عِندِكْ مَعَزَّه وكـان تغلينـي

تعَالْ: إنْ كِنتْ تعشقني وإذا فِعلاً تبي لي خيـر
تعَالْ: ومِدْ لِي .. كَفْ الوَصِلْ .. وآمِدْ كَفينـي

إذا كانْ الجِفا واجِبْ بدى مِنْ قلبـي التقصيـر
أبيكْ الحِينْ .. تِرجَعْ لِي ولا تِرجَـعْ تخلينـي

أنا ما أقولْ اللِّي صَار فِيني ما هقيتـه يصيـر
لأنِّي كِنتْ .. ( مِتأكِدْ ) .. بأنْ البُعـد ينهينـي


مودتي


قمر الليالي

_________________

الرجوع الى أعلى الصفحة اذهب الى الأسفل
 
رَحَلتْ .. وعِقبكْ الدنيا غلاها طاح مِنْ عينـي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مداوي الاحزان :: الاقسام العامه :: هموم العاشقين-
انتقل الى: